Patay ang isa ka lalaki matapos matabunan sang duta halin sa ginakutkot nga bubon sa Laoag City, Ilocos Norte.
Suno sa otoridad, masobra sa 12 ka tapak ang kadalumon sang ginakutkot nga bubon kun sa diin naghumok ang duta sini bangud sa ulan kag didto na natiphag kag natabunan ang biktima.
Naggamit naman sang backhoe para sa search and retrieval operation sa lawas sang biktima.
Nagpasalig naman sang bulig para sa pamilya sang biktima ang ila tupadbalay nga nagpakutkot sang bubon.
