Nagtaliwan na ang South Korean actress nga si Kang Seo Ha sa edad nga 31, ini suno sa report sang Korean entertainment site nga Soompi sini nga adlaw.
Ginkumpirma sa report nga ang raso sang iya pagtaliwan amo ang madugay na ini nagasuprer sang cancer.
Sa isa ka emosyonal nga Instagram post, ginpakigbahin sang isa sa mga himata sang actress ang video compilation sang mga litrato ni Seo Ha, lakip ang isa ka letter bilang paghanumdom sang iya mga memories.
Suno sa Soompi, nahamtang ang memorial altar ni Kang Seo Ha sa Seoul St. Mary’s Hospital, samtang naka-scgedule naman ang iya lubong sa Hulyo 16 sa oras nga 7:40 sa aga sa Haman, Gyeongnam Province.
Si Kang Seo Ha ang nakilala sa mgasikat nga palugwaon kapareho sang Schoolgirl Detectives, Assembly, First Love Again, Through the Waves, The Flower in Prison, kag Heart Surgeons.
Nahibaluan nga bag-o siya ginbawian sang kabuhi, natapos pa niya ang pelikula nga “Mangnaein,” nga sa subong ginkabig bilang iya pinakaulihi nga proyekto sa industriya.
