Ginhatagan sang pagkilala sang Philippine Air Force ang Bombo Radyo Iloilo- flagship station sang Bombo Radyo Philippines bangud sa dako nga papel nga gintungdan sang network para matuman ang ila nga misyon.
Suno kay Lt. Col. Emerson Bañadera, ginadayaw nila ang dedikasyon kag indi matupungan nga suporta nga ginahatag sang Bombo Radyo sa mga nagapanguna nga mga aktibidad sang Philippine Air Force.
Suno pa kay Bañadera, dako man ang kontribusyon sang Bombo Radyo bilang taytay sang Tactical Operations Group (TOG)-6 sa pagdul-ong sang mga impormasyon sa publiko.
Ginpasiguro naman ni Banadera nga magapadayon ang pagbuligay sang Philippine Air Force kag Bombo Radyo sa tanan nga aktibidad nga nagadul-ong sang serbisyo sa mga Pilipino.
Ini nga pagkilala ang kadungan sang pagselebrar sang 40th 𝗙𝗢𝗨𝗡𝗗𝗜𝗡𝗚 𝗔𝗡𝗡𝗜𝗩𝗘𝗥𝗦𝗔𝗥𝗬 sang 𝗧𝗔𝗖𝗧𝗜𝗖𝗔𝗟 𝗢𝗣𝗘𝗥𝗔𝗧𝗜𝗢𝗡𝗦 𝗚𝗥𝗢𝗨𝗣 𝟲 sa Camp General Adriano Hernandez, Dingle, Iloilo.
