(Warning: Sensitive content, mention of murder)
Patay ang isa ka lalaki matapos siya nga gintiro sang isa ka Sangguniang Kabataan (SK) Federation President sa Argao, Southern Cebu.
Suno sa imbestigasyon, mismo ang suspek ang nagkadto sa lokasyon sang biktima nga sang amo nga tion yara sa isa ka restobar kag ginpaulanan sang luthang.
Nag-angkon ang biktima sang igo sang bala sa ulo kag lawas.
Naggwa sa imbestigasyon nga love triangle ang motibo sang suspek sa nahimo nga krimen.
Ini matapos nga may yara sang relasyon ang biktima kag anay nobya sang nasambit nga SK President.
Madasig naman nga nadakpan sang pulis ang suspek.
