Nagpirma na ang Philippine Amusement and Gaming Corporation (PAGCOR) kag ang Ad Standards Council (ASC) sang memorandum of understanding (MoU) para sa regulation kag pre-screening sang mga advertisements nga naangot sa gambling.
Bangud sini, nalakip na ang gambling sa lista nga yara sa “must-screen” category sa tanan nga media platforms.
Sa diri man nga kategorya lakip ang mga advertisement sa alcoholic beverages, over-the-counter medicines, food supplements, airline/transport services with promotional fares, kag breast milk substitutes.
Suno kay PAGCOR Chairman and Chief Executive Officer Alejandro Tengco, ini nga MOU ang produkto indi lamang bilang reaksyon sa kritisismo sa online gambling kundi produkto sang siyam ka bulan nga konsultasyon.
Sa idalom sang dokumento nga napirmahan, ang tanan nga branded or corporate gambling ads lakip na sa television, radio, online kag outdoor advertising ang dapat nga irepaso kag aprubahan sang ASC antes ini ipaguwa sa publiko.
Tuyo sini nga matapna ang misleading content kag maprotektahan man ang vulnerable groups sa halit nga dulot sang sugal.#
