Arestado ang tatlo ka mga indibidwal sa ginpatigayon nga buybust operation sa Zone 8, Barangay San Isidro, Jaro, Iloilo City.
Ang mga suspek amo sanday alyas Makmak, 46, isa ka taxi driver, residente sang Brgy. Jalandoni Estate, Lapuz; alyas Nonong, 42, construction worker, residente sang San Isidro, Jaro; kag alyas Kyle, 18, residente man sang Brgy. San Isidro, Jaro.
Lunsay high value individuals ang mga nadakpan.
Narekober sa mga ini ang kapin 150 gramos sang ginapatihan shabu nga may standard drug price nga ginabanta ₱1,020,000.
Yara na nakahunong sa ICPS3 ang mga arestado.
