Nagtaliwan na ang legendary nga international boxing referee nga si Bruce McTavish sa edad nga 84-anyos.
Ginkumpirma sang iya pamilya ang iya kamatayon sa Angeles City, Pampanga.
Si McTavish natawo sa Auckland, New Zealand sang 1940 kag ginhatagan sang Filipino citizenship sang 2018 pagkatapos sang 51 ka tuig nga pagpuyo sa Pilipinas.
Nagtrabaho siya bilang office manager sang isa ka American automobile manufacturer sa Clark, Pampanga antes siya nangin professional nga referee.
Nangin referee siya sa masobra 150 ka boxing matches, lakip na ang bantog nga sambuwa ni Manny Pacquiao batok kay Oscar Larios sang 2006.
Si McTavish tatlo ka beses ginpasidunggan bilang Referee of the Year sang World Boxing Council (WBC) sang 2013, 2015, kag 2017.
Siya man ang una nga referee sa world title fight sang women’s boxing nga ginpatigayon sa tunga ni Siriporn Thaweesuk kag Ayaka Miyano sa Bangkok, Thailand sang 2006.
Ang iya bangkay yara subong sa Divine Mercy sa Carmenville, Angeles City, kag ang iya lubong igapatigayon sa Hulyo 20.
