Patay na sang nasapwan ang pito ka tuig nga bata nga babaye sa sulod sang banyo matapos ginkandado sa sulod sang ila nga balay sa Las Piñas City.
Suno sa Bureau of Fire Protection (BFP), nasunod ang amo nga balay kag bangud nakakandado ang kasilyas, wala nakagwa ang bata.
Gin-ako naman sang ginikanan nga ginkandado niya ang bata sa ila balay bag-o sila naglakat.
Suno sa arson investigators, suffocation ang kabangdanan sang kamatayon sang bata.
Ginatudlo nga ginhalinan sang kalayo ang isa ka balay nga wala sang tawo nga nagaistar kag posible nga may kaangtanan sa kuryente ang natabo.
Naglab-ot naman sa masobra 50 ka pamilya ang naapektuhan sang sunog.
