Nakumpiskar sang Iloilo Police Provincial Office ang P5-million nga balor sang illegal nga droga sa ila anti-drug campaign sa sulod sang isa ka semana.
Sa 15 ka mga anti-illegal drug operations, naaresto diri ang 17 ka mga durogista kag duha ka mga menor de edad nga gin turnover sa Municipal Social Welfare Development Office.
Sa mga naaresto, 6 diri ang High-Value Individuals (HVIs) kag 13 ang Street-Level Individuals (SLIs).
Sa kabugusan, nakumpiskar diri ang 752.50 grams sang suspected shabu nga may standard drug price nga Php 5,117,000.00.
Ang mga nasambit nga mga indibidwal ang yara na subong sa kustodiya sang kapulisan kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
