Makaluluoy ang nadangtan sang isa ka 51-anyos nga amay matapos ginlabo tubtob mapatay sang iya kaugalingon nga anak nga kaangay nga ginsudlan sang malain nga espiritu sa Brgy. Dagsa, Sogod, Southern Leyte.
Nag-angkon ang biktima nga si alyas Ali sang madamo nga pilas sa lawas.
Nagpalagyo naman ang suspek nga si alyas Mike, 27-anyos.
Base sa report sang Southern Leyte PNP, natabo ang insidente sa balay mismo sang pamilya matapos nagmaoy ang suspek.
Gintuyo nga pakalmahon sang amay ang iya anak apang ginlabo siya sini gamit ang binangon nga nagalaba sang 30 ka pulgada.
Ginahibalo na sang otoridad kun nagagamit sang iligal nga druga ang suspek nga wala gihapon makit-an.
