Patay ang isa ka manghod matapos nga ginlabo sang iya nga magulang sa Brgy, Wangan, Calinan District, Davao City.
Ang napatay amo si Jay Pandian, 34-anyos; ang suspek amo si Jun Pandian, 39-anyos.
Magluwas sa manghod, ginlabo man sang suspek ang asawa kag 11 ka bulan nga anak sang biktima.
Kritikal ang asawa nga si Gerly Linde nga may igo sa ulo samtang may igo naman sa till ang bata.
Base sa imbestigasyon, nangimon ang magulang sang nakit-an nga magkaupod sa ilimnan ang iya asawa kag ang iya manghod kag ginpasibangdan sang suspek nga may relasyon ang duha.
Ginkompronta sang suspek ang iya nga misis kag gin-akusaran nga ginalubian siya sini kag sang iya manghod.
Sa tuman ng kahadlok, nagpalagyo ang misis sang suspek dala ang ila kabataan.
Didto na nagkuha sang bag-o ginbaid nga binangon ang suspek, ginsulod ang balay sang iya manghod kag ginlabo ini samtang nagakatulog.
Ginlampusan pa niya ini sang dako nga bato ang nawong sang iya manghod.
Arestado na ang suspek kag nagapangatubang sang kaso nga murder kag 2 counts sang frustrated murder.
