Natigayon nga ma-monitor kag nalibot ni Iloilo City Mayor Raisa Treñas ang mga ginpahamtang nga mga evacuation center sa syudad kahapon nga adlaw, Hulyo 23, matapos nga ginpasaka sa red alert status ang syudad bangud sang duwa nga tropical cyclone nga Emong kag Dante.
Ini makaligad nga ginhaylo ni Mayor Raisa Treñas ang preemptive evacuation sa 72 ka high risk barangays sa pagbaha, lakip na ang 25 ka mga barangay nga high risk sa storm surge.
Yari ang mga ginbuksan nga evacuation centers kada distrito:
JARO DISTRICT
Calubihan Chapel
Calubihan Outpost
Calubihan Lions Bldg
Calubihan Barangay Hall
San Isidro Uswag Elem School
JL Tingco Memorial School (Tabuc Suba, Jaro)
LA PAZ DISTRICT
Ticud Chapel
Ticud Barangay Hall
Ticud Elem School
Lopez Jena Norte Barangay Hall
LAPUZ DISTRICT
Libertad Multi Purpose Hall
MOLO DISTRICT
Baluarte Elementary School
San Juan Gym
South Fundidor Health Center
Calumpang Chapel
AREVALO DISTRICT
Sooc Regional Evacuation Center
Sooc Uswag Hall Day Care Center
Quezon, Arevalo Gym
Bolilao Day Care Center
Taft North Barangay Hall
Sa interview sang Bombo Radyo kay Mayor Treñas, iya ginpahayag nga ginasiguro sini nga mangin komportable ang tanan nga mga evacuees sa mga evacuation center nga ginpahamtang.
Suno kay Mayor Raisa Treñas, may ginpahamtang man nga community kitchen sa lugar, kag may naka-standby nga doctor kag pharmacist nga nakahanda maghatag sang bulong kun kinahanglan.
Magluwas nga mas komportable ang modular tents, may privacy pa ang magpamilya nga magamit sini.
May ginpahamtang man nga mga foldable beds kag foam nga mahimo tulugan sang mga evacuees.
