Patay ang isa ka barangay health worker makaligad nga makuryente sa ginbaha nga health center sa Meycauayan, Bulacan.
Ang biktima amo si Cristina Abisate Padora, 49-anyos.
Suno sa Bulacan Disaster Risk Reduction and Management Office (DRRMO), natabo ang insidente sang nagkadto si Padora sa health station para siguruhon nga safe ang mga medical supply kag bakuna gikan sa nagataas nga baha.
Apang nakalabay ini sa idalom sang isa ka tent nga malapit sa health station nga my nakatapik nga live wire.
Nauyatan niya ang salsalon sa tent rason nga nakuryente ini kag ginbawian gid sang kabuhi.
