Wala sang may nakita nga pagtaas sa presyo sang humay ang Department of Agriculture (DA) matapos nga naghalit ang bagyo kag southwest monsoon sa madamo nga mga pananom.
Suno kay DA spokesperson kag Assistant Secretary Arnel de Mesa, indi man tuman nga nahalitan ang bugas.
Suno sa iya, kalabanan sini ang partially damaged kag bag-o lang gintanom.
Base sa kabug-usan nga kahalitan nga ginreport sa National Disaster Risk Reduction Management Council (NDRRMC), ang kabug-usan nga kahalitan sa agrikultura, lakip na ang fisheries, livestock kag poultry, ginabanta sa P1.12 bilyones.
