Patay ang isa ka nurse nga nagbulig sa pagsalbar sa mga tawo nga ginbahaan sang gin-anod ini sang daludo sang tubigbaha sa San Jose City, Nueva Ecija.
Ang biktima amo si Alvin Jalasan Velasco nga nagaserbe man nga ambulance driver kag aktibo nga responder sang Local Disaster Risk Reduction and Management Office (LDRRMO).
Suno sa mga tawo nga nakakita, sa tunga sang operasyon, diutayan lang gin-anod ang isa ka residente gani ginrespondehan ini ni Velasco kag sang iya nga kaupdanan, kag hugot nila nga gin-uyatan ang biktima apang gin-anod gid ini sang tubig.
Makaligad ang pila ka oras, nasawpan ang lawas sini kag wala na sang kabuhi.
Gindayaw naman ini sang publiko bangud sa ginpakita nga pagkabaganihan.
