Liwat nga napilian bilang Deputy Majority Floor Leader si Iloilo City Lone District Congresswoman Julienne “Jamjam” Baronda sa 20th congress.
Ini na ang ikaduha nga kahigayunan sa diin iya man gin-uyatan sang 19th congress.
Samtang, matunog naman nga ginpalakpakan sang mga kongresista ang pagpili kay Iloilo 3rd District Congressman Lorenz Defensor bilang senior deputy majority leader sa 20th Congress.
Mismo si Ilocos Norte 1st District Congressman kag majority leader nga si Ferdinand Alexander “Sandro” Marcos ang nagduso sang motion.
Sang 19th Congress, si Defensor ang deputy majority leader kag nangin kabahin sang house prosecutors para sa impeachment ni Vice President Sara Duterte.
Sang Hulyo 28, nangin acting floor leader siya sa pinakauna nga regular session sang Kamara kun sa diin, napilian bilang majority leader si Ilocos Norte 1st District Congressman Ferdinand Alexander “Sandro” Marcos.
Si Defensor ang yara na sa iya ikatatlo kag katapusan niya nga termino.
