Pilason ang isa ka babaye matapos ginbuno sang ex- girlfriend sang iya nga nobyo.
Natabo ang insidente sa , General Mariano Alvarez, Cavite.
Ang biktima amo si Roselyn, 21-anyos, residente sang Brgy. San Jose, General Mariano Alvarez, Cavite kag nag-angkon sang pilas sa ilok kag tiyan.
Ang suspek naman amo si Angel, 18-anyos, sang amo man nga barangay.
Base sa impormasyon, nagalakat ang biktima sa dalan sang ginkompronta ini sang suspek tuhoy sa relasyon sang biktima kag sang ex-boyfriend nga si alyas Jomar.
Bangud sini, nagbaisay ang duwa kag nagkuha sang kutsilyo si Angel kag ginbuno si Roselyn.
Nagpalagyo ang suspek apang natigayon man nga madakpan sang kapulisan.
