Patay ang duha ka bata nga lalaki nga mag-utod matapos nahulog sa taytay ang ginasakyan nila nga tricycle nga nagtupa sa suba sa banwa sang Moncada, Tarlac.
Ang mga biktima amo sanday Prince Arvie Tabifranca, 6-anyos kag Darren Kyle Tabifranca, 4-anyos.
Pareho nga gin-anod sang daludo sang tubig ang mag-utod.
Sa report sang Tarlac Police, ginamaneho sang iloy nga si Lea Tabifranca ang tricycle sa isa ka improvised nga taytay sang natabo ang trahedya.
Nakaluwas ang iloy apang ginbawian gid sang kabuhi ang duha ka bata.
