Ginmando sang Quezon City Regional Trial Court Branch 93 ang pag-aresto kilala nga showbiz columnist Cristy Fermin kag co-hosts sini nga sanday Rommel Villamor kag Wendell Alvarez.
Ini may kaangtanan sa kaso nga cyberlibel nga gin-file sang aktres nga si Bea Alonzo sang nagligad nga tuig.
Sa court order nga napetsahan sang Hulyo 21, 2025, ginsiling ni Presiding Judge Cherry Chiara Hernando nga may yara sila sang nakita nga “probable cause” agud ipaidalom sa trial ang mga akusado.
Nagtalana man ang korte sang P48,000 nga pyansa sa tagsa ka TV hosts.
Madumdoman nga nagpasaka si Bea sang libel case batok kay Fermin sang Mayo 2024 bangud sa ginaalegar nga wala sang kamatuoran kag malisyoso nga mga impormasyon nga ginawaragwag sang host sa iya nga online show angot sa ila pagbulagay sang ex-fiancé sini nga si Dominic Roque.
Dugang sini, gin-akusar man Bea si Fermin angot sa alegasyon nga wala ini gabayad sang buwis ini base sa ginpasaka nga kaso sang iya driver.
