Naglab-ot na sa P17 trilyon ang kabug-usan nga utang sang pungsod.
Suno sa Bureau of Treasury (BTr), ang nasambit nga numero ang narekord sang Hunyo, nga bangud sa mataas nga local borrowing agud mapun-an ang ginatawag nga fiscal shortfall.
May yara sang 2.1 porsyento nga pagsaka kada bulan sa utang sang pungsod tubtub nga naglab-ot ini sa P17.27-T, bag-o nga high record.
Gindugang pa sang BTr nga sa pagsugod sang tuig, nagtaas ang utang sang 7.6 porsyento ukon P1.2 trilyon.
Base sa datus sang ahensya, nagtaas sang 1.4 porsyento ang domestic borrowing ukon katumbas sa P11.95 trillion.
Samtang ang external debt nagtaas sang 3.5 porsyento ukon katumbas sa P5.32 trilyon.
Ginklaro man sang BTr nga bisan nagtaas ang utang, nagapabilin sa gihapon nga sustainable ang gobyerno.
