Nagresulta sa tiniruhay sang duha ka pamilya ang ginhimo nga pagtabanay sang duha ka magkahagugma sa Mamasapano, Maguindanao del Sur.
Suno kay Philippine Army 6th Infantry Division spokesperson LtCol Roden Orbon, may natabo nga bayluhanay sang lupok sa tunga sang grupo ni Sukor Guiamalon, opisyal sang 106th Base Command sang MILF-Bangsamoro Islamic Armed Forces, kag sang grupo ni Barangay Sapakan Chairman Mohamad Tatak.
Ginpahayag nga madugay na nga may hiligut-anon ang duha ka pamilya kag naglala pa matapos ang pagtabanay sang anak ni Guiamalon kag utsd ni Chairman Tatak.
Naglawig naman ang tiruhay sang halos duha ka oras ka nauntat lang sang nag-abot ang militar.
Wala pa sang report kun may napilasan ukon napatay sa amo nga inaway.
