Makaligad ang halos anom ka bulan humalin sang nagtaliwan ang Taiwanese actress nga si Barbie Hsu sa edad nga 48 bangud sa influenza-related pneumonia samtang nagbakasyon sa Japan, padayon sagihapon ang kalisod sang iya asawa nga si DJ Koo (Koo Jun-yup).
Suno sa mga report, regular nga ginabisita ni DJ Koo ang pantyon ni Barbie sa Chin Pao San Cemetery sa New Taipei, Taiwan, apisar nga naga-ulan ukon grabe ang init.
Isa ka netizen ang nagkumpirma sang report sang Hulyo 27, matapos gindul-ong ang isa ka tagasuporta ni Hsu nga luyag maghatag sang bulak.
Sa ila pag-abot, nakita nila si DJ Koo nga nagapungko sang malinong sa isa k foldable chair, naka-itom nga tank top kag naka-kalo, kag ginaantos ang tuman ka init samtang nagabantay sa pantyon sang iya nagtaliwan nga asawa.
Matandaan nga una nga nagkilalahay sanday barbie kag DJ Koo sang 1998 kag nangin mag-partner.
Nagpakasal sila sang tuig 2022 matapos ang 23 ka tuig nga pagnobyahanay.
