Nakasulod na sa Philippine Area of Responsibility (PAR) ang gina-monitor sang state weather bureau nga low pressure area sa nasidlangan nga parte sang pungsod.
Sa 8:00 p.m. update sang Philippine Atmospheric, Geophysical and Astronomical Services Administration (PAGASA) subong nga Agusto 4, nasiplatan ang LPA sa kalayuon nga 1,025 nasidlangan sang Southeastern Luzon.
Pahayag sang state weather bureau, manubo ang posibilidad sini nga mangin bagyo sa masunod nga 24 oras.
Una na nga ginpahayag sang ahensya nga ini nga LPA ang mahimo magdala sang pag-ulan-ulan sa eastern part sang Southern Luzon kag Visayas sa Huwebes kag sa Byernes.#
