Patay ang isa ka pulis nga nag- absent without official leave (AWOL) matapos gintiro sang wala pa nakilala nga lalaki sa sulod sang isa ka bulangan sa Brgy. Poblacion, Albuera, Leyte.
Ang biktima amo si Dexter Patun-gog, 47-anyos, residente sang Ormoc City, Leyte nga nag- AWOL sa serbisyo humalin pa sang 2007.
Natabo ang insidente sa Antonio Zaldivar Cockpit and Sports Center sa amo man nga banwa.
Nagalantaw ang biktima sang bulang sang nagsulod ang suspek kag gintiro ini sang makapila ka beses.
Madasig nga nagpalagyo ang suspek samtang nagakinagual ang mga tawo.
