(Trigger Warning: Gun Violence / Shooting Incident)
Patay ang isa ka 24-anyos nga manunudlo matapos gintiro sang isa ka gunman sa banwa sang Balabagan, Lanao del Sur.
Ang biktima amo si Danilo Barba, 24-anyos, nagatudlo sa Balabagan Trade School kag residente sang Trento, Agusan del Sur.
Igo sang bala sa ulo ang rason sang kamatayon sang biktima.
Ginpahayag nga nagalakat pasulod sa ila eskwelahan si Barba sa Brgy. Narra sang hinali lang nag-ulhot ang suspek nga nagahulat sa biktima kag gintiro ini.
Nakit-an mismo sang mga estudyante kag iban pa nga manunudlo ang natabo sa biktima.
Padayon pa ang imbestigasyon sa insidente.
