Isa ang ginapatihan nga ginbawian sang kabuhi samtang tatlo naman ang pilason matapos nagbungguanay ang duha ka mga motorsiklo sa Brgy. Puntahagdan, Tobias Fornier, Antique kaina sang aga.
Gindala sa President Diosdado Macapagal Memorial District Hospital ang isa sa mga biktima apang gindeklarar nga dead on arrival.
Una man nga gindala sa nasambit nga ospital ang tatlo pa ka mga biktima apang ginsaylo sa Angel Salazar Memorial General Hospital sa San Jose.
Ginpahayag nga ang duha sa mga biktima ang nagbakal pa sang cake para sa kaadlawan sang ila lolo kag pakadto na sa venue sang selebrasyon sang natabo ang aksidente.
