Naga-antos subong ang Northern India sa tuman kabaskog nga flash floods nga nag-anod sang pila ka mga puluy-an, hotels, kag mga balaligyaan.
Apat ka tawo ang napatay samtang madamo pa ang ginapatihan nga na-trap sa idalom sang mga debris.
Mabatian man ang pagsinggitan sang mga residente bangud sa kahangawa.
Ang tuman kag hinali nga pag-ula, ang kilala nga cloudburst, kasagaran nagaigo sa mga mabukid nga lugar pareho sang Uttarkashi, isa ka rehiyon sa Himalayas nga dali lang mabahaan kag ma-landslide sa tion sang tig-ilinit.
Suno sa mga otoridad, ang cloudburst may daku nga posibilidad nga magdala sang dako nga kalamidad, lakip na ang flash floods kag landslides, nga nagaapekto sa linibo ka residente sa lugar.
Ginalauman man sang India Meteorological Department nga magapadayon pa ang mabaskog nga pag-ulan sa masunod nga mga inadlaw, kabangdanan nga ginpanugyanan sang mga otoridad ang temporaryo nga pagkansela sang klase sa mga apektado nga distrito.
