Ginpaathag ni Iloilo City Vice Mayor Lady Julie Grace “Love” Baronda nga wala siya sang ginaapinan ukon ginapaboran sa Iloilo City Council kag ang tanan nga iya tikang yara sa desisyon suno sa mga patakaran sang lokal nga gobyerno.
Sa interview sang Bombo Radyo kay Vice Mayor Baronda, ginbuyagyag niya nga may alegasyon halin kay Councilor Rex Marcus Sarabia nga kuno may “colluding” nga natabo sa tunga nila ni Councilor Sheen Marie Mabilog. Ginpahayag ni Baronda nga ginpanginwala niya ini bangud ginakabig niya nga seryoso kag indi angay pagpasipalahan.
Suno sa iya, ginpahayag ni Sarabia nga wala niya lang ginbanggit ang isyu sa sesyon agud indi siya mapakaulawan, apang ginpakita ni Baronda nga indi dapat pag-idalum sa hilom ang mga isyu nga naga-apekto sa integridad sang konseho.
Ginpabutyag ni Baronda nga ginpaabot niya gid ang klaripikasyon sa sesyon agud mangin limpyo ang tanan nga panan-aw sang mga konsehal sa iya kapasidad, kag indi siya bias sa sin-o man. Ginpangayuan man siya sang pasensya ni Councilor Sarabia bangud sang alegasyon.
