Nagsuprer ang Gilas Pilipinas sang ikaduha nga sunod-sunod nga kalutusan sa FIBA Asia Cup 2025.
Ginkabos ang national team sa comeback attempt sini batok sa New Zealand, 94-86, sa group clash sa Pool D sang tournament, Agusto 8 (PST).
Gintinguhaan pa kuntani sang Pilipinas nga makalagas sa second half matapos naglab-ot sa 18-puntos ang abanse sang Tall Blacks nga nagpaulan sang tres sa second period.
37 points, 5 rebounds, kag three assists ang nahimo ni Justin Brownlee samtang may 19 points, 4 rebounds, 3 steals naman si Dwight Ramos, apang wala nakasarang sa Kiwis nga subong 2-0 na kaangay sa Chinese Taipei sa group stage.
Buhi pa ang paglaom nga maka-abante ang Gilas sa masunod nga round kun malutos sini ang Iraq sa Sabado, alas kuwatro sang hapon. Kun magdaog ang national team, ibutang sila sa classification para sa quarterfinals.#
Box scores:
New Zealand 94 – Ngatai 22, Britt 19, Cameron 12, King 11, Darling 8, Smith-Milner 8, Gold 6, Davison 5, Andrew 3, Murray 0.
Gilas Pilipinas 86 – Brownlee 37, Ramos 19, Fajardo 11, Newsome 8, Quiambao 5, Tamayo 4, Thompson 2, Edu 0, Oftana 0.
