Ginklaro sang Malacañang nga indi batok sa Marcos administration ang pagboto sang Senado nga i-archive ang impeachment case batok kay Vice President Sara Duterte
Suno kay Palace Press Officer Undersecretary Claire Castro, wala man sang kahilabtanan ang Executive Department sa impeachment process.
Ginpaathag sini nga ang Kamara amo ang nagsumite sang Articles of Impeachment kag indi ang ehekutibo ukon si President Ferdinand Marcos, Jr.
“Hindi ang ehekutibo ang nagsampa o nag-submit ng Articles of Impeachment kundi ang House of Representatives,” suno kay Castro.
Kun may ginkontra man ang boto sang Senado, ini amo ang prosecution team sang lower chamber kag indi ang presidente, dugang pa sang Palace official.
“So kung meron mang dito na sinasabi ang desisyon ay laban, laban kanino? Most probably hindi sa administrasyon ni Pangulong Marcos Jr.,” pahayag sini.
Matandaan nga may nauna na nga ruling ang Korte Suprema nga nagasiling nga unconstitutional ang articles of impeachment. May tatlo naman ka motions for reconsideration nga gin-file agud hingyuon sa mga mahistrado nga baliskadon ang ila nga desisyon.
Kun maka-desisyon man ang High Court sa motion for reconsideration, respetuhon ini ni Marcos suno pa kay Castro.
“Noon pa natin sinagot ito. Kung anuman ang magiging desisyon ng Supreme Court yan ay igagalang ng Pangulo, ng Ehekutibo. Bakit? Because the Supreme Court is the final arbiter of any legal issues,” pahayag sini.#
