Magahiwat ang Department of Energy (DOE) sang One-Stop-Shop sa probinsya sang Palawan halin Agosto 11 tubtob 15, 2025, agud mapadasig ang proseso sang pagkuha sang License to Operate (LTO) kag Certificate of Compliance (COC) para sa mga negosyante nga sakop sang industriya sang LPG.
Ginpa-athag sang DOE nga ini nga inisyatibo kabahin sang direktiba ni President Ferdinand Marcos Jr. nga mapadasig ang serbisyo sang gobyerno sa mga malayo nga lugar, labi na sa mga MSMEs.
Ginapunto man sang ahensya nga pinaagi sa One-Stop-Shop, mahimo na nga makuha sa pareho nga adlaw ang LTO kag COC basta kumpleto ang ginpresentar nga mga dokumento sang aplikante.
Ini magabulig nga makaminus sang gastos kag oras sa pagproseso kag makalikaw sa tuman ka delay.
Ini na ang ikaduha nga One-Stop-Shop nga ginpatigayon sang DOE sa Palawan, kasunod sang ginhiwat sa Puerto Princesa sang 2023.
Plano man sang ahensya nga i-extend pa ini nga programa sa iban pa nga mga isla kag malayo nga probinsya sa pungsod.
