Isa ka truck nga may karga nga baras ang natumba sa Brgy. Jaguimitan, Passi City
Sa impormasyon nga nakuha sang Bombo Radyo sa nga nakasakse sang insidente, samtang nagapasaka sa tukladon nga parte sang dalan ang truck napatay ang makina sini kag nadula-an sang control ang driver.
Bangud sini, nag-amat-amat padulhog ang truck tubtob nga natumba ini sa kilid sang dalan.
Maswerte nga nakalukso gwa ang driver kag wala may naagum nga samad.
Wala man sang iban nga tawo nga napilasan sa insidente apang naguba ang kudal sang isa ka balay nga gintumbahan sang truck.
Sa subong, ginrespondihan na sang Passi City PNP ang natabo kag padayon pa nga ginahibalo ang rason sang insidente.
By: 𝑩𝒐𝒎𝒃𝒐 𝑲𝒓𝒚𝒍𝒍𝒆 𝑴𝒆𝒍𝒍𝒊𝒛𝒂
