Ginapanan-aw ni Iloilo City Councilor Romel Duron nga posible liwat ideklarar nga persona non grata si Iloilo City District Engineer Roy Pacanan matapos ini wala nagtambong sa una nga quad committee hearing nga nagatutok sa problema sang pagbaha sa syudad sa Iloilo.
Ang committee hearing ang ginpangunahan ni Councilor Duron nga chairman sang Committee on Environment ang quad committee hearing.
Kabahin sang quad comm ang Committees on Public Works, Public Safety, kag Disaster Relief.
Sa interview sang Bombo Radyo kay Duron, chairman sang Committee on Environmental Protection and Ecology, iya ginpahayag nga apisar nga wala makatambong si Pacanan sa nasambit nga hearing kag wala sang partisipasyon sang Iloilo City District Engineering Office (ICDEO), padayunon sagihapon sang Iloilo City Council ang investigation in aid of legislation may kaangtanan sa mga proyekto sa suba, creek kag waterways sa syudad.
Suno kay sa kagawad nga ang imbestigasyon ginahimo agud matumod ang mga problema kag mahatagan sang solusyon.
Ginpasiguro sini nga independent body ang konseho kag may kaugalingon nga panindugan ang tagsa ka myembro.
Para kay Duron, may obligasyon si OIC City District Engineer Pacanan sa publiko nga maghatag sang opinion kag suhestyon sa patigayunon nga pag-usisa.
Matandaan nga ginakuwestiyon ni Pacanan ang otoridad sang konseho sa paghimo sang investigation in aid of legislation nga suno sa iya senado kag kongreso lang ang may otoridad sa paghimo.
Ini nga pagkwestyon ang ginpaguwa ni Pacanan matapos mabaton ang imbitasyon para sa hearing.
