(Trigger Warning: This content contains descriptions of gun violence and a victim being shot. Reader discretion is advised.)
Gindala sa ospital ang isa ka school principal matapos nga gintiro sang wala pa makilala nga mga indibidwal sa atubang sang Agriculture Elementary School sa Midsayap, Cotabato subong nga aga.
Ang biktima amo si Arlyn Alcebar.
Suno sa imbestigasyon, nagamaneho ini sang iya salakyan pasulod sa school gate sang ginpalukpan ini sang duha ka mga lalaki nga sakay sa motorsiklo.
Madasig nga nalagyo ang mga suspek matapos ang insidente.
Sa maayo nga palad, wala sang patal nga pilas ang biktima apang ginapahayag nga nakaangkon ini sang igo sang bala.
Padayon pa ang imbestigasyon sang otoridad angot sa insidente.
