Patay ang mag-asawa nga nagakatulog sa ila karinderya matapos nga gin-arado sang bus.
Natabo ini sa Sitio Deepwell, Barangay Sto. Rosario, Sta. Rosa, Nueva Ecija.
Ang mga biktima amo sanday Edwin, 56-anyos kag asawa nga si Uzel, 49-anyos.
Nakaluwas naman ang ila anak kag apo kag ang ila umagad.
Napilasan man ang driver sang bus.
Natabo ang insidente pasado ala-una sang kaagahon.
Magluwas sa karinderya, gin-arado man sini ang isa ka tindahan kag isa ka van.
Padayon pa ang imbestigasyon sa insidente.
