Gina-evaluate sang Department of Public Works and Highways Region 6 (DPWH 6) ang mga proyekto nga ila ginapatuman sa Western Visayas agud masiguro nga naga-angay ini sa plano kag specifications, ilabi na ang may kaangtanan sa flood control.
Sa interview sang Bombo Radyo kay Engr. Jose Al Fruto, CESO IV, Assistant Regional Director sang DPWH 6, ginpahayag niya nga ginasuportahan niya ang tanan nga inisyatibo nga may kahilabtanan sa proyekto bangud concern ini sang tanan.
Suno sa iya, may regular nga proseso ang DPWH sa pagmonitor kag pagpatuman sang proyekto, kag ginapaninguhaan nga matapos ini sa husto nga oras kag kalidad bisan pa may mga hagna.
Ginpabutyag pa ni Fruto nga importante nga ma-evaluate sang insakto ang proyekto base sa plano agud ma-address ang mga isyu, ilabi na sa mga flood control projects nga ginatutukan sang ahensiya.
