Naluwas ang isa ka tatlo ka tuig nga bata nga babaye matapos nakatulon sang hampanganan sa Alaminos, Laguna.
Sang amo nga tion, maswerte nga may duwa ka miyembro sang Bureau of Fire Protection (BFP) nga nagsalbar sa bata sa pat-ud nga peligro.
Ang mga bumbero amo sanday SFO1 Jan Vincent Alba kag FO1 Lloyd Aaron Gimenez nga assigned sa BFP regional headquarters sa Calamba City.
Sakay sa ambulansya ang duha sang nakit-an nila ang nagatumpok nga tawo sa kilid sang dalan rason nga naghapit sila kag didto naabtan ang bata nga daw indi na makaginhawa.
Gilayon nila nga ginhatagan sang emergency first aid ang bata kag nakuha ang hampanganan nga nagbara sa iya tutunlan.
Gindala man gilayon sa ospital ang bata apang yara sa maayo nga kahimtangan.
