Ginkumpirma sang Samahang Basketbol ng Pilipinas (SBP) nga opisyal na nga gin-classify si Quentin Millora-Brown bilang isa ka local player sa idalom sang FIBA Management and Administration Platform (MAP).
Ini nga 6-foot-10 Filipino-American center ang produkto sang UP Fighting Maroons nga nagbulig sa unibersidad nga magkampyon sa UAAP Season 87 men’s basketball sang 2024.
Una na nga gin-abi-abi ni Gilas head coach Tim Cone ang report nga mahimo mangin eligible si Millora-Brown nga maghampang para sa Pilipinas.
Excited man ang coach nga ilakip sa lineup sang national team ang former UP big man.
Ini nga development ang ginalantaw nga makabulig sa Gilas sa pagsabak sini sa FIBA World Cup 2027 Asian Qualifiers umpisa sa Nobyembre.
Nagtupa ang Pilipinas sa Group C kun sa diin makasumpong sini ang Guam, New Zealand, kag ang Australia.
Bag-o lang nagtakop ang kampanya sang Philippine national team sa FIBA Asia Cup 2025 sa Saudi Arabia sang nalutos ini sa kamot sang two-time defending champion nga Australia Boomers sa quarterfinal match.
