Ginsapubliko ang written explanation kag ang resignation letter nga ginpasa sang former actress nga si Nadia Montenegro sa Chief of Staff ni Sen. Robin Padilla nga si Atty. Rudolf Jurado.
Sa iya sulat, ginpahayag sini nga matapos nabutang ang iya pangalan sa incident report sang ginaalegar paggamit sang marijuana sa Senate building sa Pasay City, nabutang siya sa “publicity trial” kag gin-ulan siya sang mga pagpakamalaot lakip na ang pagtawag sa iya nga adik.
“I was unfairly subjected to publicity trial, misjudgments, bashings and grave humiliation. My children were unjustly became the subject of ridicule, calling them the children of a ‘drug addict’. One comment even said maybe my children are drug addicts as well,” pahayag ni Montenegro.
Dugang sini, indi siya guilty, apang nag-resign siya bangud demonstrasyon ini sang iya nga pagtahod kay Padilla kag sa Senado.
“My decision to resign should not be misconstrued as an admission of guilt—it is not. Rather, it is a demonstration of my deep respect for the Senate and Senator Padilla’s office, so that this issue does not cause further distraction or harm. To prevent this baseless issue from growing any further, I would rather remove myself from the spotlight and allow the Senate to focus on its important work,” pahayag pa sini.
Antes ang resignation, matandaan nga ginpa-leave anay ni Padilla si Montenegro samtang padayon ang internal investigation.
Nahibaluan nga base sa incident report nga napetsahan sang Agusto 13, ginplastar sang security personnel nga si Victor Patelo nga may duha ka insidente nga may napanimahuan nga indi kinaandan sa isa ka area sa Senate building.
Una amo ang sa ikaduha nga semana sang Hulyo 2025 kun sa diin may nag-report nga isa ka male staff member nga maisog nga baho, apang wala man sang nakit-an nga nagpanigarilyo.
Ikaduha amo ang Agusto 12 kun sa diin nagpalapit ang staff ni Senator Panfilo Lacson sa amo gihapon nga security personnel sa 5th floor, kag nagpanugid nga may indi kinaandan nga baho nga halin sa comfort room sang mga babaye malapit sa extension offices sang mga senador.
Ginpahayag nga daw marijuana ang baho kag ang tawo lamang sa area sa amo nga tion amo si Nadia.
Suno sa security personnel, ginmunuhan sini si Nadia sang naglabay ini sa iya pwesto, apang nagpanginwala ang former actress nga nagpanigarilyo ini ukon naggamit sang marijuana. Gin-ako sini nga may dala siya nga vape sa iya bag nga amo ang posible ang ginhalinan sang baho.
May ginpasa naman nga investigation report sa Office of the Senate President (OSP) kasunod sang amo nga insidente.#
