Nakabunggo ang isa ka motorsiklo sa pribado nga salakyan kagab-i sa Barangay Quintin Salas, Jaro, Iloilo City.
Sa interview sang Bombo Radyo kay Radjie Casiple, isa ka security guard nga nakasaksi sang insidente, iya ginpahayag nga madasig ang pagpadalagan sang driver sang motorsiklo rason nga nabunggo ini sa iya nasumalang nga SUV nga nagapaliko pasulod sa subdivision sa nasambit nga lugar.
Suno sa iya, ara sa insakto nga linya kag nagasignal ang SUV nga maliko apang tungod sa kadasigon nga pagmaneho sang driver sang iya motorsiklo wala na ini nakalikaw kag nabunggo deritso sa SUV.
Bangud sa impact, wasak ang atubangan nga bahin sang motorsiklo samtang gupi na man ang kilid sang SUV.
Gilayon gindala sa hospital ang driver sang motorsiklo.
Sa subong, padayon pa ang imbestigasyon sang kapulisan sa insidente kag sa pagkakilal-an sang driver sang motorsiklo.
By: 𝑩𝒐𝒎𝒃𝒐 𝑲𝒓𝒚𝒍𝒍𝒆 𝑴𝒆𝒍𝒍𝒊𝒛𝒂
