Patay ang isa ka police officer nga pauli na kuntani halin sa duty matapos naaksidente sa banwa sang Quezon sa Bukidnon.
Ang biktima amo si Corporal Windel Camay, 33-anyos.
Nagbunggo sa kahoy sa kilid sang highway ang ginamaneho sini nga kotse.
Sa kabaskugon sang impact, buka ang atubang nga bahin sang salakyan sang biktima nga nagresulta sa pag-angkon sini sang mga dalagko nga pilas sa lawas.
Nagpalab-ot naman sa pagpakig-unong sa pamilya ang PNP.
