Nakatalana nga matambong ang 13,300 ka mga barangay officials sa Probinsya ang Iloilo sa Liga Day 2025 sini nga Domingo Agosto 24 sa Iloilo Sports Complex nga may tema “Sa tunga sang Paglaum kag Pag Duha-duha, Isa kita”.
Suno kay Liga ng mga Barangay Province (LNB) President Amalia Victoria Debuque, mas preparado ini ikumpara ang nagligad nga tuig bangud yara lang sa 11,400 ka mga barangay officials ang nagtambong.
Pahayag sini, isa ini ka month-long celebration kun sa diin, una na nga nagpatigayon sang Provincial Barangay Officials League Season 2 sa Tamasak Arena kag naglunsyar sang “Kaibigan mo ang Liga”- isa ka proyekto nga nagahatag sang medical kag burial assistance sa mga barangay officials sa Iloilo.
Pila sa mga bantayan sa Liga Day 2025 amo ang celebrity guest kag comedians, live performances, kag ang mas enggrande nga raffle draw.
