Patay ang isa ka 12-anyos nga dalagita matapos naglupok ang ginpulot sini nga ginapatihan granada sa likod sang ila nga balay sa Barangay Labangal, General Santos City.
Suno sa mga pamilya kag mga kaingod-balay sang biktima, nakabati sila sang lupok kag sang ila ginlantaw, naabtan nila ang dalagita nga halos indi na makilal-an bangud sa naangkon nga mga pilas sa lawas.
Suno sa utod sang biktima, may nakit-an nga lata ang iya nga manghod kag ginbitbit sini pakadto sa duyan sang naglupok.
Padayon pa nga ginaimbestigaran sang otoridad kun paano nga may nakita nga granada sa lugar.
