Patay ang duha ka mga bata kag pilason ang 17 ka iban pa ka mga tawo matapos nagpangluthang ang isa ka lalaki sa isa ka Catholic Church sa Minneapolis sa Estados Unidos sang Amerika.
Naga-edad sang 8 kag 10 ka tuig ang mga napatay. Sa 17 nga nasamaran, 14 ang kabataan kag pito ang yara sa kritikal nga kondisyon.
Natabo ang shooting sang puno sang estudyante ang Annunciation Church bangud sa ginpatigayon nga misa kadungan sang una nga semana sang pagbukas sang klase.
Natumod naman sang awtoridad ang gunman nga isa ka 20-anyos nga lalaki nga si Robin Westman nga wala man sang history sang krimen.
Napatay man mismo ang suspek bangud sa samad nga tuga man sang iya mismo armas.
“It shattered our community today, but there are lots of things we can and need to do, and we can’t become numb because that would be letting down all of the victims in the past,” statement ni Democratic Minnesota State Rep. Emma Greenman kasunod sang hitabo. “The ripple of this is much more than just the kids and their families. These people in our community, we are all grieving for them.”
Nagmando naman si President Donald Trump nga iga-half mast ang tanan nga hayahay sa White House kag sa tanan nga public buildings bilang respeto sa mga biktima.#
