Ginkumpirma ni Cristine Reyes nga naga-date na siya liwat kasunod sang ila pagbulagay ni Marco Gumabao.
Pahayag sang 36-anyos nga aktres, ka-date sini subong ang isa ka non-showbiz personality nga wala pa sini ginhingadlan.
“Yes, [I am happy now]… Mas private,” pahayag sini sa isa ka interview.
Wala sini ginsapubliko kun ano ang rason sang iya breakup kay Marco, apang pahayag sini, maayo gihapon ang ila nga pagtamdanay.
“Sa amin na lang iyon, respect na namin sa isa’t isa. But we are super OK,” sabat ni Cristine.
Abril 2025 pa sang nagguwa ang rumors sang ila nga pagbulagay sang host-actor.
Sang nagligad nga bulan naman, nag-umpisa sa pagguwa ang espekulasyon nga bag-o nga karelasyon ni Cristine si anay National Youth Commission (NYC) chairperson Gio Tingson. Nakit-an sila nga magkaupod sa tourist sites kag sa art gallery kag nagakaon sa Vietnamese restaurants sa Hanoi, Vietnam.#
