Natapos ang Gilas Pilipinas Youth sa group stage sang FIBA U16 Asia Cup nga may 1-2 nga record matapos nga nalutos sa kamot sang New Zealand, 85-54, sa hampang nga ginpatigayon sa Mongolia.
Madasig nga nakahimo sang 15-1 nga abanse ang Junior Tall Blacks kag wala na nakabalos ang Gilas sa una nga otso minutos sang ball game.
Nagdominar man ang New Zealand sa rebounding (61-34) kag sa shooting (41.3% kontra 26%).
Si Liam Anthony Keogh ang nanguna sa ila nga may 17 puntos, samtang si Jhustin Hallare ang nagpanguna para sa Gilas nga may 13 puntos.
Nakasandig ang tyansa sang Pilipinas nga makasulod sa resulta sang hampang sang Chinese Taipei kag Indonesia, kun sa diin tatlo lang ka teams sa kada grupo ang makasulod sa masunod nga round.#
