Napamatud-an sang Department of Public Works and Highways (DPWH) nga guilty si dismissed Bulacan 1st District Engineer Henry Alcantara sa kaso nga grave misconduct, disloyalty, neglect of duty kag conduct prejudicial to the best interest of the service.
Ini sa tunga sang ginaalegar kahilabtanan niya sa mga anomaliya sa flood control projects sa amo nga probinsya.
Nagpaandam naman si DPWH Secretary Vince Dizon sa mga opisyal kag empleyado sang DPWH nga responsable sa mga ghost kag substandard projects nga manabat gid sila sa kasuguan.
