Matigdas nga ginpanginwala ni Quezon City 1st District Rep. Arjo Atayde ang alegasyon ni Curlee Discaya nga nalakip siya sa government officials nga involved sa flood control kickbacks.
Pahayag sini, wala siya naga-benepisyo sa bisan sin-o man nga konktraktor, kag wala sang kamatuoran sa akusasyon ni Discaya nga ginbulgar kadungan sang Senate hearing, Septyembre 8.
Nagpahayag ang actor-turned-politician nga tinluan sini ang iya pangalan kag pasabton sa layi ang nagapalapta sang sala nga mga istorya.
Samtang, gindepensahan sang TV host-actress nga si Maine Mendoza ang iya bana nga si Quezon City Rep. Arjo Atayde matapos gindalahig ini sang contractor nga si Curlee Discaya kag gin-akusaran nga isa ini sa nagabaton sang porsiyento sa ila nga mga proyekto.
Gintawag ini sang aktres nga “baseless allegations”.
Pahayag sini, nagalaum siya kag nagapangamuyo nga mapasabat ang mga tawo nga amo ang matuod nga responsable sa kurapsyon kag mahilway naman sa sini nga eskandalo ang mga inosente nga indibidwal.
