Magasaka na naman ang presyo sang produktong-petrolyo sa masunod nga semana.
Ginkumpirma ini sang Department of Energy-Oil Industry Management Bureau (DOE-OIMB) paagi sa ginsundan nga apat ka adlaw nga trading sa Mean of Platts Singapore kag estimated relevant expenses.
Yari ang posible nga adjustments:
Gasoline – more or less increase of P0.20
Diesel – more or less increase of P0.50
Kerosene – no adjustment
Ini na ang pang-lima nga sunod-sunod nga semana nga may saka-presyo sa gasolina kag pang-apat nga sunod-sunod nga price hike sa diesel.
Lakip sa gin-cite nga factors sa sini nga adjustment amo ang geopolitical tension dala sang Israeli attack sa Doha, Qatar nga naga-target sa Hamas leaders.
Ginatudlo man nga rason ang pagpasulod sang Russia sang drones sa airspace sang Poland.
Magluwas diri, gina-angot man ini sa pagbukas sang bag-o nga trade opportunities sa shipping industry bangud sang taripa sang Estados Unidos.
Sa kada Lunes gina-anunsyo ang final nga price adjustments kag gina-implementar ini sang oil companies sa kada Martes sang aga.
