Ginkumpirma ni US President Donald Trump nga yara sa mga otoridad ang suspek sa pagpatay sa conservative activist nga si Charlie Kirk.
Ang suspek amo ang 22 anyos nga si Tyler Robinson sang Washington, Utah nga ginapahayag, indi kumporme sa panindugan sang activist.
Suno kay Trump, ang suspek mismo ang ginpa-surrender sang iya pamilya sa mga otoridad matapos ini mag-ako sa iya amay nga siya ang responsable sa insidente sang pagpangluthang.
Matandaan nga gintiro-patay si Kirk samtang ini ang nagatambong sa isa ka pagtililipon sa Utah University.
